This is an old revision of the document!

Erlebniße ut de Kinnertied Ut de Kinnertied, vörn 1. Weltkrieg, Veele Jungs de an Dang'n un Strand Opwußen, deen sick dormals in de Fröhjohr, lütt Scheep, aß Kutters un Jachten ut tänrn oder Ellernholt basteln, eenige Jungs harrn sick wölk, beed to een Meter lang makt, se worn optakelt un mit Segeln utrüst, naa vörbild, vun de grod Segelyachten de to de Kieler-Week bie uns naa Eckernför keem, de jo all mit Steng'n an er Masten un mit Gaffelsegeln optakelt weern, twischen de sölbst gemackte Scheep, weern richtiges Kunstwark mang, de naturgetreu naa makt, wie ok de Takelung. Bied waad'n up kneedeepe Wader, oder vun een Jöll ut, man se op deeper Wader segeln leed, un ok een Regatta ünner eenanner mokt, wor. De Jungs un Deernst vun Dang'n un Strand, weern de reine Waderrotten dat 5-6 mol baad'n an de Dag, weer so de dörchschnitt, denn dör dat veele Baad'n, weern se rank un Slang un bruun wie de Indioner worn, Bie uns an de Dang'n, leeg vördem ehr de Betonmuer buut wor, een Schmullgang'nschicht de stell'n wieß, beed to 1½ Meter dick weer,

in düße Schmulldang'nschichten worn vun uns Jungs in eenzelne Ploog'n de Danghöhl'n buut, mit Fischkissendeckeln över Latten, mit Bassmatten un Dang'n affdeck geg'n dat Natte wat vun bob'n keem, binn inn worn de Hohln mit Sittgelegenheit utstafert un de Wann bekleed mit Bassmaten, den Matten harrn wie genugg, de wie sick vun de Rökerien hohln deen, düße Matten weern över grode Körf ut Wicheln, wo de Goldbütt oder Scholln in weern, de vun Dänemark infört un as Räukerbütt verarbeit worn. De Matten schürten wie uns rein un spöllten se düchdie dör, denn leed'n wie se der dreung'n un worn den för de Höhl'n, sowie as ünnerlaag naa'd Baad'n wo wie sick up Sunn leed'n bruuk. weer dat Baad'n un Waad'n vörbie, fung'n an de Jümfernstieg wie ok annerswo, de Tied mit dat Ballspeeln, wie Football, Fustball ok Handball nennt, Schlaggball, Kriket un wat sick suns noch all mit een Ball anstell'n leed, För'd Footballspell'n, wor in sunn ole Leederhülls een Knackerblaß verwend, wie ock mit lütt Gummieball'n bedreem, de Knackerbloosen worn meistens, bie Slaggder Muhl in de Gätjestraat, over all mal mit bie sonstige Slaggders hol't för 5 Penn dat Stück,

meistens deen wie glieks paar mehr dorvon holn, wenn wie sick de Groschens bied Isen un Knaakensammeln överspaart harrn, so weer dat ock to de Rummelpotttied, wo se ok to verwenn'd worn, dat geff, jo noch so veel Speele, Dieselding mit 5 lütt runde gladde Steens, wie Messerstick mit een ol Taschenmesser, wo allerlei Kunsttricks mit mokt wor, denn dat Pickpaal speel'n, mit 60 cm lange un 3-4 cmt. dicke Knüppeln oder mit 1-1½ cmt. starke Isenstang's, de in de weeke Sand un de faste Schmulldang'n rinn smeeden worn, all düße Speele weern Geschickspeele naa een bestimmten Ritus, denn keem noch de Speele in fraag, wie Brummküßel, Trüllelband, Springtau, Hinkepoot, Aba-Biba un de verchiedene Speele mit Marmeln u.s.w., för alln keem dat turn up uns sölbst gemakt Reck in'd Speel wat twischen Jochem Elsner sien Holtschuppen un Fritz Haß sien Begrenzungsplank vun sien Grundstück stahn dee, uns Sittzgelegenheet, weern Riedell sien ole Streelasch vun Masten, Reems un Spreeten vun sien Waadfischerie, wo ock vun Fritz Haß sien Bungpahl'n up lig'n deen. Wenn to Harvstied, sick dor dat uploppen, vun'd Waader een Nordost anmell'n de, deen sick vun binnkannt de Ohrt up de Schiethuk dör dat Hogwaader grod Schmulldang'nflächen

vun een half beedt to ¾ meter dickte lösen, düße lütt Inseln bewussen mit mell'n un sonstig Gröndüg, dreeb'n denn gewönlie bie uns an Dang'n un Strand an. So deen sick eenige Jungs mit lange Staak'n un Stang'n utrüsten, un denn göng'n dat los up de lütt Insel'n, so wie dat nennt wor, „Kühnheed“ to maken, over meistens de dat Vergnög'n mit dat uteenanner breek'n vun de Dang'n inseln to enn gahn,dat beed to, er Achterdeel in'd Wader stahn deen mußten se sehn dat se to Huus keem um drögg Tüch anto krieg'n, un dorbie geff dat gewönlie ok noch een Dragg Prügels dorto, dat dee denn eb'n mol to uns Strand un Dang'nleb'n hörn.

Fr. Daniel